Çaqa meşələrimizin ən faydalı ağac göbələklərindən biridir. Müasir tədqiqatlara görə, güclü xərçəng əleyhinə, antioksidant, antiviral, immunomodulyator və ümumi adaptojenik aktivliyə malikdir və beyin və mədə-bağırsaq traktının fəaliyyətini dəstəkləyir. O, həmçinin tibbi və kosmetik məqsədlər üçün istifadə olunur.

Göbələk klinik sınaqlardan keçib.

Çaqanın tərkibində suda həll olunan xromogenlər — fenolik aldehidlərin törəmələri, polifenollar, oksifenolkarbon turşuları və onların xinonları, həmçinin hümik tipli çaqa turşusu (60%-ə qədər), polisaxaridlər (β-qlükanlar), liqnin, sellüloza, fitosterollar (məsələn, lanosterol və erqosterol), pterin birləşmələri, üzvi turşular (o cümlədən, oksalik (quzuqulağı) turşusu 4,5%-ə qədər), triterpen turşuları (o cümlədən, betulin turşusu), sərbəst fenollar, silisium, dəmir, alüminium, kalsium, maqnezium, natrium, sink, mis, manqan, kalium, germanium və digər elementlərin duzları var.

Əks göstərişlər

Çaqa, nəzəri olaraq böyrək funksiyasını poza və hətta onlara zərər verə bilən oksalatlar ehtiva edir (100 q sklerotidə 2800-11200 mq ümumi oksalatlar, məlum olan bütün canlı orqanizmlər arasında qeydə alınmış ən yüksək səviyyələrdən biridir).

Dağınıq skleroz, qırmızı qurd eşənəyi (sistemli qırmızı qurd eşənəyi), romatoid artrit və digər autoimmun xəstəliklərdə çaqadan istifadə immunitet sisteminin lazımsız aktivləşməsinə səbəb ola bilər. Bu, autoimmun xəstəliklərin simptomlarını artıra bilər. Sadalanan xəstəliklərdə çaqa istifadəsindən çəkinmək daha yaxşıdır.

Bəzi məlumatlara görə, çaqa qanaxmanı artıra bilər, onun maddələri (peptidlər) trombositlərin aqreqasiyasını "parçalayır". Buna görə də, qanın laxtalanması ilə bağlı ciddi probleminiz varsa, çaqa içməyin.

Diabet zamanı çaqa preparatlarının təsiri altında göbələyin bəzi hallarda qan şəkərinin səviyyəsini aşağı saldığı, yəni hipoqlikemik təsir göstərdiyi müşahidə edilmişdir. Məsələn, 1:5 nisbətində seyrəldilmiş həlim üçün, onun daxilə qəbulundan 1,5-3 saat sonra qan zərdabında qlükoza səviyyəsində maksimum azalma müşahidə olunduğu göstərilmişdir. Bu halda şəkərin səviyyəsi 15,8-29,9% azalır. Şəkərli diabet xəstəsisinizsə və çaqa qəbul edirsinizsə, hipoqlikemiya əlamətlərini izləyin və şəkərinizin səviyyəsini diqqətlə və müntəzəm olaraq nəzarətdə saxlayın. Diabetiniz varsa və çaqadan imtina etməyəcəksinizsə, həkiminiz tərəfindən diabet əleyhinə dərmanların dozasının tənzimlənməsinə ehtiyac ola biləcəyinə hazır olmalısınız.

Cərrahi müdaxilələr, o cümlədən orqan və toxuma transplantasiyası zamanı, çaqa qanda şəkərin səviyyəsini aşağı sala bilər və ya əməliyyatın özü və ondan sonrakı qanaxma riskini artıra bilər. Buna görə də cərrahlar planlaşdırılan əməliyyatdan ən azı 2 həftə əvvəl çaqa istifadəsini dayandırmağı tövsiyə edirlər.

Bəzi müşahidələrə görə, çaqa uzun müddət qəbul edildikdə həzm pozğunluqlarına səbəb ola və vegetativ sinir sisteminin oyanıqlığını artıra bilər. Doza azaldıqda və ya dərman dayandırıldıqda bu hadisələr tədricən yox olur. Əgər psixi cəhətdən labilsinizsə, çaqa qəbuluna müəyyən dərəcədə ehtiyatla yanaşın.

Çaqanın istifadəsi üçün əks göstərişlər xroniki kolit və xroniki dizenteriyadır.

Digər dərmanlarla qarşılıqlı əlaqə baxımından çaqa haqqında rəsmi məlumat yoxdur (www.webmd.com/vitamins/ai/ingredientmono-1474/chaga).

Mövcud xəstəliyiniz varsa və ya dərman qəbul edirsinizsə, bu məhsulu istifadə etməzdən əvvəl həkimlə məsləhətləşin.

İstehsalçı, tövsiyə olunan maksimum dozanı aşmamağı məsləhət görür, çünki bu, mənfi simptomların yaranmasına, səhhətin pisləşməsinə səbəb ola bilər. Çay içkisi qəbul etmək üçün tövsiyələrə ciddi əməl edilərsə, o, əlavə təsirlərə səbəb olmamalıdır. İstifadə təlimatlarına əməl edilmədikdə, istehsalçı (satıcı) yarana biləcək mənfi nəticələrə, o cümlədən səhhətin pisləşməsinə görə məsuliyyət daşımır.
Alkoqol və farmakoloji preparatlarla ziddiyyət təşkil etmir, fasilə tələb etmir. Aptekimizin təqdim etdiyi qarışıqların (topluların) əksəriyyəti ilə mükəmməl birləşir.

Çaqa preparatlarının yüksək fizioloji fəallığı suda həll olan və bu göbələkdən hazırlanan dəmləmələrə qəhvəyi rəng verən çox miqdarda çaqa turşusunun olması ilə əlaqədardır. Çaqa, orqanizmin qoruyucu reaksiyalarını artırır, beyin toxumasında maddələr mübadiləsini aktivləşdirir, bu da beyin qabığının bioelektrik fəaliyyətinin artması ilə özünü göstərir.

Çaqa antiinflamatuar, antioksidant kimi fəaliyyət göstərir, həmçinin bəzi şişlərin böyüməsini ləngidir və siklofosfamidin sitostatik təsirini artırır. Göbələk həlimi arterial və venoz təzyiqi aşağı salır, nəbzi yavaşlatır. Çaqa orqanizmin ümumi dözümlülüyünü, yüksək temperaturlara və oksigen çatışmazlığına qarşı müqavimətini əhəmiyyətli dərəcədə artırır.

Çaqa qastrit, mədə xorası və digər mədə-bağırsaq xəstəliklərində istifadə olunur. Çaqa ağrı sindromunu və dispeptik hadisələri tez bir zamanda aradan qaldırır, bağırsaqların fəaliyyətini normallaşdırır və ümumi tonusu artırır. Çaqanın mədə-bağırsaq xəstəlikləri olan xəstələrə müsbət təsiri rentgen tədqiqatlarının məlumatları ilə təsdiqlənir.

Çaqa bədxassəli şişlər, xüsusən də radiasiya terapiyası və cərrahiyyə əməliyyatının mümkün olmadığı hallarda mədə, ağciyər və digər orqanların xərçənginin son mərhələsində istifadə olunur. Terminal mərhələlərdə xərçəng xəstəliklərinin müalicəsi baş vermir, ancaq xəstənin ümumi vəziyyətində əhəmiyyətli dərəcədə yaxşılaşma (simptomatik istifadə) baş verir.

Otolorinqologiya (Qulaq-Burun-Boğaz xəstəlikləri) praktikasında çaqa dəmləməsi qırtlaq şişləri zamanı inqalyasiya şəklində gündə 5-6 dəqiqə olmaqla 10 gün ərzində vasitə kimi istifadə olunur. Çaqa ilə müalicə xəstələrin ümumi vəziyyətini yaxşılaşdırır, udma çətinliklərini aradan qaldırır, səsdəki batıqlığı (xırıltını) azaldır, nəfəs almağı yaxşılaşdırır, müşayiət olunan iltihab prosesini azaldır, biopsiya və sonrakı müalicə metodunu seçmək üçün şişin müayinəsini (nəzərdən keçirilməsini) təmin edir. Çaqa preparatları stomatologiyada parodontozun müalicəsi üçün istifadə olunur (diş əti ciblərində daxil edilir, daxilə qəbul edilir).

Çaqa — yaşlı insanlar üçün unikal bir vasitədir. O, beyin toxumasında maddələr mübadiləsini aktivləşdirir, mədə və bağırsaqların fəaliyyətini normallaşdırır. Çaqa preparatları hipoqlikemik və antilipid təsir göstərir, qanda şəkərin səviyyəsini azaltmağa kömək edir və insultun nəticələrinin aradan qaldırılmasına kömək edir. Daha az dərəcədə, lakin şir yalı kimi, çaqa da nootropik, neyroprotektiv və neyroregenerativ xüsusiyyətlərə malikdir.

Çaqa, sitokinlər və interleykinlərə qarşı immunomodulyator təsir göstərir, makrofaqların və təbii qatil hüceyrələrin (natural killerlər) istehsalını və aktivliyini artırır və bununla da immuniteti stimullaşdırır.

Çaqanın tərkibindəki betulin, hispolon, lüpeol və mikosterollar sayəsində antiviral aktivliyi təsdiqlənmişdir. Göbələyin iç hissəsinin ekstraktı QİÇS (AİDS) virusuna qarşı effektivdir, xarici qara qabığının ekstraktı isə qrip A və B viruslarını 100% məhv edir.

Çaqa, dünyanın ən güclü antioksidantıdır. Buna görə də bu, xərçəngəmələgəlmənin (kanserogenezin) faktiki olaraq mütləq qarşısının alınmasıdır (xərçəng hüceyrələrinin əmələ gəlməsi). Əhalinin çaqadan hazırlanan çay içkisini müntəzəm içdiyi bölgələrin statistikası göstərir ki, orada xərçəng xəstəliklərinin faizi on dəfələrlə aşağıdır. Həftədə iki-üç dəfə mütəmadi olaraq çaqa istifadəsi xərçəngin bütün növləri üçün etibarlı və ucuz profilaktika rolunu oynayacaq.

Çaqanın dəri və saça faydalı təsirini nəzərə alaraq, son illərdə ondan hazırlanan preparatlar müalicəvi kosmetika istehsalında geniş istifadə olunmağa başlamışdır. Bir sıra kosmetik problemlərin həllində effektiv olan çaqa əsaslı müxtəlif vasitələr mövcuddur.

Çaqa dərinin qocalma əlamətlərini (qırışlar və tonusun zəifləməsi), fotozədələnmələri, göz ətrafındakı tünd halqaları və şişkinliyi, çapıqları, dərinin yorğunluğunu, sızanaqları (akne), genişlənmiş məsamələri, qanın pis mikrosirkulyasiyasını, selülit və uzanma əlamətlərini (dartılma izləri) aradan qaldırmaq üçün effektivdir. Həmçinin kimyəvi pilinq, lazerlə bərpa və digər kosmetik prosedurlar zamanı zədələnmiş dəri üçün də faydalıdır.

Alkoqol və farmakoloji preparatlarla ziddiyyət təşkil etmir, fasilə tələb etmir. Aptekimizin təqdim etdiyi qarışıqların (topluların) əksəriyyəti ilə mükəmməl birləşir.